'ಮುಡುಕು' ಎಂದರೇನು?

         'ಮೂಲೆಮುಡುಕು' ಎಂಬ ಶಬ್ದವನ್ನು ಬಳಸುತ್ತೇವೆ. ಈ  ಮೂಲೆಯ ಜೊತೆಗೆ ಸೇರಿಕೊಂಡಿರುವ ಮುಡುಕು ಎಂದರೇನು?  ಮುಡುಕು ಎಂದರೆ ಬಾಗಿದ, ಬಳುಕಿದ ಎಂದರ್ಥ.  ಮೈಸೂರು ಬಳಿ ಮುಡುಕುತೊರೆ ಎಂಬ ಜಾಗವಿದೆ.  ಕಾವೇರಿ ನದಿ ಅಲ್ಲಿ ಬಾಗಿ, ಬಳುಕಿ ದೀರ್ಘವೃತ್ತಾಕಾರವಾಗಿ ಸಾಗುವುದರಿಂದ ಆ ಹೆಸರು ಬಂದಿದೆ.  ಹಳಗನ್ನಡದಲ್ಲಿ ಇದನ್ನು ಮುಡುಂಕು ಎಂದೂ ಹೇಳಲಾಗಿದೆ. ಇದೇ ಶಬ್ದ ' ಮೊಡುಂಕು'   ಎಂಬ ರೂಪದಲ್ಲಿ ಹವ್ಯಕ ಭಾಷೆಯಲ್ಲಿದೆ.  ಹೊಸ ಕನ್ನಡದಲ್ಲಿ 'ಮು' ಮಾಯವಾಗಿ 'ಡೊಂಕು' ಎಂಬ ರೂಪದಲ್ಲಿ ಬಳಕೆಯಾಗುತ್ತಿದೆ.